خطايى ، على اكبر
208
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
درت اتش يقارلر و ديدهبانلرك قوت لايموتى ماه به ماه پادشاهلرى جانبندن ويريلوب و كيفيت حال ديدهبانلرى اهل زندان احوالندن بيان اولنور و كيجه و كوندوزده ميللرى نوبت ايله حراست اولنور و جرسلر اصيلوب متصل جلارلر و اول ميللرك نردبانلرى ايپدن اولمغله دشمن كلدكده بو قارويه چكرلر صولرى و ازقلرى يانلرنده در والت حربلرى طاش و تفنك و اوقدر و تفنك ايله قورشون يرينه اوچلونده درت يرمق زهلرايله صو ويرلمش يولات پيكانلى اوقلرا ترلر مثلا مذكور اوقلر اكر فيله ايكنه قدر اصابت ايتسه هلاك ايدر و اول ولايت خلقنك كوچكى و بيوكى باروت ايتمكى بيلوب اتش بازلق اول ديارده تمام اولمشدر نيجه يوزبيك خلق اول ديارده وار ايسه جملهسى طوب و تفنك اتمق بيلورلر والات حربك جمله سيله اراسته اولوب كيفيت ورزشلرى يرنده بيان اولنور انشاء الله باب ثانى مختلف دينلرينك بياننده در خاقان چينك اعتقادى بونك اوزرينه دركه خدايى بر بيلور و كندوسنى دين شامكونى اوزرينه اعتقاد ايدر وانى پيغمبر بيلور و حضرت محمد صلى الله عليه و سلم افنديمزه سين جبين ديزلر ديللر نجه بهترين ادميان ديمك اولور و خاقانك ايج سراينده سروز عالم افنديمزك تصويرينى چكوب انواع جواهر ايله مرصع ايدهرك اول صورتى بر تخت زرين اوزرينه وضع ايدوب و بر لوح سيمين اول صورتك كنارنده قويوب و اول لوحده نيجه يوزبيك سياه نقطهلر اولوب و اول صورت متصل اول لوح اوزرينه ناظر اولمغله قچانكه بر شخص اول محله كلوب لوحه متوجه اوله رق الينى دعايه قالدرسه لوحك اوزرنده اولان نقطهلر كليا محو اولور و دعادن فارغ اولوب الينى اشاغه ايندرد كده ينه اول نقطهلر حسابدن متجاوز اول لوحك اوزرنده ظاهر اولور و بو صورت اكا تمثيلدر كه چون سيد انبيا و سند اصفيا افندمز حضرتلرى مبارك يدلرينى دعايه قالدرسهلر اول نقطههاى سياه امت نامهء اعماللرندن محو اولوب و دست سعادتلرينى يوزلرينه سوروب ايندرد كده ينه نيجه يوزبيك پريشان روزكار امتك فى الحال نامهء اعماللرى كير و سياه اولوردى و خاقان چين عندلرنده و سائر شريف اياملرنده صورتخانهء مذكوره كلدكده غايت تعظيم و تكريم ايله باشنى اوكنه اكه رك اول صورته تعظيم ايچون كند و دين و ايينلرى مقتضا سنجه ختم و دعواتلر ايدر مثنوى بعثت او سرنكونى بتان * امت او بهترين امتان چو امد بر زمين ان صدر عالى * بطفلى در سجود افتاد خالى بريده ناف پيدا شد ز پرده * ز مادر نيز امد خشته كرده كفت يا رب امتم ازاد كن * جمله را در حشر كن ازاد كن